مش هأسألك
أغنية خاصة من كلماتى وألحانى وغنائى
ويمكن بيعها للمطربين الكبار
وحقوق الطبع محفوظة للمؤلف
أغنية ... مش هاسألك
مش هاسألك
مش هاسألك ايه غيرك
ولاعايز أعرف أى شىء
مشيت خلاص.. ألفين سلامة
انتهى بينا الطريق
___________
مشوارنا مكتوب أوله
ومكتوب أخرته
قسمة ونصيب بنكمله
فى سكته
غيرنا بيفضل للنهاية
وكتير فراقهم فى البداية
وكتير كتير متحملين
وكتير بيعمل عملتك
مش هاسألك
__________
الدنيا دى دنيا ألم
دنيا شقى
الفرح والحزن قسم
متفرقة
وكل واحد له اختيار
فيها جنة وفيها نار
بيعيشها ليل أو فى النهار
كبير .. وعارف سكتك
مش هاسألك
